linuxawy

Question = 2 ( B || !B )

Ideas.. I've seen people kill in the name of them... and die defending them. We are told to remember the idea, not the man. Because a man can fail. He can be caught, he can be killed and forgotten. But several years later... his idea can still change the world.
Politics

بمناسبة 23 يوليو

بمناسبة اليوم العالمى الجميل اللذيذ الرائع المنعش

يوم لما الجيش المصرى عمل انقلاب على الملكية والانجليز وأعلن ان الجيش يقوم بتصحيح الوضع ثم سوف يعود الى الثكنات (كلام الله يرحمه الرئيس المصرى محمد نجيب... كان راجل محترم فعلا)

فأنا قلت بالمناسبة السعيدة ديه.. وبما اننا فرحانين جدا واحنا مش متعودين على الفرحة ديه،، قلت انكد عليكوا شوية وأفكركوا باللى فات

قصيدة الشاعر محمد بهجت "واحد اتنين.. الجيش العربى فين" اللى اتذاعت فى برنامج العاشرة مساء من زمان.. يا ترى حد يعرف يكملها بعد موضوع العراق؟

حملها من [http://rapidshare.com/files/131813705/1_2_ElGesh_ElAraby_Fen.avi.html هنا]

جبهة علماء الأزهر تهاجم قانون الطوارئ

[http://www.jabhaonline.org/viewpage.php?Id=1642 جبهة علماء الأزهر: النظام الذي يهدر حقوق الإنسان لا شرعية له]

شكل الناس ديه محترمة.. الموقع بتاعهم فيه كلام يخلينى احس ان ممكن يكون فيه ناس لسه بتفهم وتتكلم فى الزمن ده.. حاقرالهم اكتر وابقى اكتب عنهم بعدين ان شاء الله

تهديدات بحل جمعية العون المصرية لحقوق الإنسان

الرسالة دبه جتلى على الفيس بوك.. مش متأكد من صحتها لكن قلت أنشرها...

تحديث : الخبر صحيح ومنشور على الشبكة العربية لحقوق الانسان [http://www.anhri.net/press/2008/pr0601.shtml هنا]

-----

تهديدات بحل جمعية العون المصرية لحقوق الإنسان بناء على تعليمات أمن الدولة

و عدى يوم الاضراب

خلص اليوم وعدى بصورة هادية فى اسكندرية زى ما كنت متوقع.. اسكندرية لسه ما اتشحنتش كفاية علشان تدخل فى مصادمات عنيفة مع الحكومة، حصلت مظاهرات طبعا فى مكان المظاهرات المقدس – المنشية.. وسمعت عن حبة اعتقالات لكن يمكن مش للدرجة الكبيرة زى القاهرة أو المحلة.

قاطعوا موقف العربيات فى سيدى جابر

لما المحافظة تهد موقف عربيات وموقف السوبر جيت، يبقى أكيد عايزه تعمل حاجة تانية، لكن انها تعمل كده علشان تصغر الموقف وتنقل السوبر جيت وتعمل جنينه مع العلم ان الاوتوبيسات بتاعة النقل العام بتسد الشارع، يعنى باختصار بتزود المشكلة. يبقى فيه دماغ غريبة فى الموضوع. انا مش ضد الجناين على فكرة لكن ملاحظة ان ده بعد شارع واحد من نادى سموحة اللى هو تانى أكبر نادى فى مصر يعنى مساحة خضراء كبيرة جدا (يعنى مش محتاجين تمثيل ضوئى واوكسوجين وبتاع) وملاحضة ان الجنينه ديه متسورة يعنى ما حدش حيعرف يقعد فيها.. يبقى كده فيه حاجة غلط.. حط عندك ان ده بالضبط عند باب محطة القطر فى سيدى جابر وفى وسط ابراج الصغير فيها 12 دور.. يعنى انت اصلا محتاج موقف كبير.

أحمد عبد الرسول أبو شادى

شاب عنده 17 سنة.. شاب مصرى، المفروض يكون دلوقتى فى ثانوية عامة أو اولى كلية.. شاب لما تشوف صورته تحس انه ولد عادى جدا مش مثلا شكله واحد واخد مطوتين فى وشه ولا نظرته كارهة البلد واللى عايشين فيها، بالعكس تشوف فى عينيه تصميم واصرار يمكن أكبر من سنه.. بص كده على صورته

أنا ماعرفش حاجة عن ظروفه هنا فة مصر كانت حلوة ولا وحشة.. ماعرفش هو منين فى مصر. لكن اللى اعرفه ان لما واحد فى السن ده يخاطر بحياته علشان يهرب من مصر لفرنساويدفع حياته فعلا ثمن لمحاولة هروبه الفاشلة يبقى اكيد عندنا مشكلة.

V

V for Vendetta

أول ما سمعت عن الفيلم ده كان فى مدونة كل اللى مكتوب منه هيه جملة واحدة..
People should not be afraid of their governments, Governments should be afraid of their people
الكلمة عجبتنى .. ركزت فيها.. حاولت استوعبها..

Syndicate content
Delicious Bookmarks