linuxawy

Question = 2 ( B || !B )

Ideas.. I've seen people kill in the name of them... and die defending them. We are told to remember the idea, not the man. Because a man can fail. He can be caught, he can be killed and forgotten. But several years later... his idea can still change the world.
Egypt

انا رجعت

مع انى ماليش نفس أكتب حاجة من يوم 6 أبريل.. ومع انى عيان النهاردة وا فياش حيل أعمل أى حاجة، لكن زيارة أوباما النهاردة والخطاب بتاعه يستحقوا التعليق..

استنوا منى مدونة النهاردة ان شاء الله... لكن لحد ما أكتبها ممكن حد يبعتلى لينك لخطبة أوباما متفرغة بالانجليزى؟؟

اضراب 6 ابريل 2009... حتطلعوا رجالة ولا؟؟

اضراب 6 ابريل2009

حتطلعوا رجالة يا شباب مصر ؟ ولا لأ؟ انا باكلم الشباب علشان احنا اللى فينا طاقة نحارب.. احنا جيل شاف مهازل كتير.. احنا الأجيال اللى اتربت فى ظل قانون الطوارئ..

رحلة من الاسكندرية لزيارة المصابين الفلسطينيين فى مستشفيات القاهرة

ان شاء الله فيه رحلة لزيارة المصابين الفلسطينيين فى مستشفيات القاهرة يوم الجمعة اللى جاى..

الرحلة ليست تابعة لأى تيار أو حزب سياسى.. جميع الأفراد مرحب بهم لكن دون تمثيل أى اتجاه سياسى

الرحلة لا تشمل الا زيارة المستشفيات فقط.. لا يوجد أى تجمعات أو مظاهرات أو حتى وقفة سلمية.

ازاي تساعد غزة؟

كلنا بنتفرج على غزة، ومش عجبنا إلي بيحصل وبنشوف مناظر الشهداء و بنعيات و منعرفش ننام بالليل من كتر ما ضميرنا وجعنا اننا مش عارفين نعملهم حاجة... لكن ممكن نحاول نعمل حاجة بجد؟

أنا حاولت في التدوينة ده أقول الناس ممكن تعمل إيه.. أكيد كل واحد فينا ممكن يعمل حاجة.. حاولت أفكر و أحط البدائل اللي ممكن تنسب أي حد.. يا ريت الناس تبعتلي أي حاجة يشوفها مهمة ازوده على ديه

يا فضيحتنا

يعنى لما رئيس دولة محترمة يطلع يقول انا مافدرش أفتح حدودى مع الدولة المحتلة اللى جنبى اللى انا شايل قضيتها علشان قوة الاحتلال الوحشة مراقبة كل حاجة بالكاميرات وانا متفق معاهم انى مش حاعدى حاجة غير لما اخد اذنهم لأنهم لو زعلوا حييجوا يمنعوا الحاجات بنفسهم.. يبقى ده اسمه ايه بالضبط؟؟؟

فاضل ايه يولع؟ حط اقتراحاتك

ايه رأيكو؟ بعد كل الحرايق ديه تتوقعوا المرة اللى جايه ايه؟ ناس بتقول المتحف المصرى لكن الطوب ما بيولعش بسهولة.. ناس تانية بتقترح دار الكتاب أهو الورق بيولع بسرعة.. تيجوا نفتح مكتب رهانات زى بتاع سباق الخيل؟ :P

هو فيه ايه يا جدعان؟؟

ايه يا جماعة؟ مش كده ابدا.. شقتى اللى انا مشتريها من 3 أو 4 سنين ب132 الف جنيه، الاقى اللى زيها بتتباع النهاردة وصاحبها طالب 550 الف والمشترى بيتفاوض معاه على نص مليون جنيه بس؟؟؟؟؟ ليه؟ ده العمارة مبنية من السبعينات يعنى خلاص حتودع قريب...

فيه ايييييييييييييه؟

جبهة علماء الأزهر تهاجم قانون الطوارئ

[http://www.jabhaonline.org/viewpage.php?Id=1642 جبهة علماء الأزهر: النظام الذي يهدر حقوق الإنسان لا شرعية له]

شكل الناس ديه محترمة.. الموقع بتاعهم فيه كلام يخلينى احس ان ممكن يكون فيه ناس لسه بتفهم وتتكلم فى الزمن ده.. حاقرالهم اكتر وابقى اكتب عنهم بعدين ان شاء الله

تهديدات بحل جمعية العون المصرية لحقوق الإنسان

الرسالة دبه جتلى على الفيس بوك.. مش متأكد من صحتها لكن قلت أنشرها...

تحديث : الخبر صحيح ومنشور على الشبكة العربية لحقوق الانسان [http://www.anhri.net/press/2008/pr0601.shtml هنا]

-----

تهديدات بحل جمعية العون المصرية لحقوق الإنسان بناء على تعليمات أمن الدولة

قاطعوا موقف العربيات فى سيدى جابر

لما المحافظة تهد موقف عربيات وموقف السوبر جيت، يبقى أكيد عايزه تعمل حاجة تانية، لكن انها تعمل كده علشان تصغر الموقف وتنقل السوبر جيت وتعمل جنينه مع العلم ان الاوتوبيسات بتاعة النقل العام بتسد الشارع، يعنى باختصار بتزود المشكلة. يبقى فيه دماغ غريبة فى الموضوع. انا مش ضد الجناين على فكرة لكن ملاحظة ان ده بعد شارع واحد من نادى سموحة اللى هو تانى أكبر نادى فى مصر يعنى مساحة خضراء كبيرة جدا (يعنى مش محتاجين تمثيل ضوئى واوكسوجين وبتاع) وملاحضة ان الجنينه ديه متسورة يعنى ما حدش حيعرف يقعد فيها.. يبقى كده فيه حاجة غلط.. حط عندك ان ده بالضبط عند باب محطة القطر فى سيدى جابر وفى وسط ابراج الصغير فيها 12 دور.. يعنى انت اصلا محتاج موقف كبير.
Syndicate content
Delicious Bookmarks