linuxawy

Question = 2 ( B || !B )

Ideas.. I've seen people kill in the name of them... and die defending them. We are told to remember the idea, not the man. Because a man can fail. He can be caught, he can be killed and forgotten. But several years later... his idea can still change the world.
قاطعوا موقف العربيات فى سيدى جابر
لما المحافظة تهد موقف عربيات وموقف السوبر جيت، يبقى أكيد عايزه تعمل حاجة تانية، لكن انها تعمل كده علشان تصغر الموقف وتنقل السوبر جيت وتعمل جنينه مع العلم ان الاوتوبيسات بتاعة النقل العام بتسد الشارع، يعنى باختصار بتزود المشكلة. يبقى فيه دماغ غريبة فى الموضوع. انا مش ضد الجناين على فكرة لكن ملاحظة ان ده بعد شارع واحد من نادى سموحة اللى هو تانى أكبر نادى فى مصر يعنى مساحة خضراء كبيرة جدا (يعنى مش محتاجين تمثيل ضوئى واوكسوجين وبتاع) وملاحضة ان الجنينه ديه متسورة يعنى ما حدش حيعرف يقعد فيها.. يبقى كده فيه حاجة غلط.. حط عندك ان ده بالضبط عند باب محطة القطر فى سيدى جابر وفى وسط ابراج الصغير فيها 12 دور.. يعنى انت اصلا محتاج موقف كبير. كل ده وقلنا ماشى.. الونش اللى عمره ما كان بيعدى هنا بقى بيسترزق كل يوم بحوالى عشر عربيات وقلنا ماشى.. لحد ما يفتحوا الموقف حنستحمل طبعا الموضوع اخد شهور كتير وخل فى سنة وقلنا ماشى.. الجراجات اللى فى المنطقة وصلت ل 200 وبعدين 250 وعلشان تاخد مفتاحك معاك 320 جنيه فى الشهر وقلنا ناس بتستهبل وحياخدوا على دماغهم بعد ما الموقف اللى كان ب 80 جنيه يتفتح، هو صحيح مالوش سقف يعنى العربية فى الشمس والمطر وما حدش بيمسحها وغالبا عربيتك بتتخبط علشان ما فيش سايس أصلا وهم قاعدين على البوابة بس (يعنى من الاخر هو بس بيوفرلك مكان فى الشارع) بس ماشى.. و 80 جنيه كويسين مش حنعترض. كل ده كان كويس لحد ما سعادة الباشا اللواء العظيم الكبير المحافظ افتتح الموقف.. تخيلوا الموقف يبقى بكام؟ لما يغلى من 80 يوصل لكام؟ حيغلى 10%؟ 50%؟ 120%؟ 250%؟ لا والله ياريت... سعادته قرر بقرار محافظ (من فوق يعنى) ان الناس دول معاهم فلوس كتير مالهاش لزمة فحنخليه يغلى 375% .. يعنى 300 جنيه فى الشهر بدون أى خدمات ولا حتى واحد يمسح العربية. وطبعا سعادته ما نسيش ان المبنى اللى فى النص يبقى ادارة الموقف ويمسكه لواء متقاعد.
والله انا كنت مكسوف انى اكتب عن موقف عربيات فى وسط ظروف البلد اللى ما حدش فيها لاقى ياكل.. الحمد لله انا عندى عربية لكن أصلا ما تستاهلش أدفع المبلغ اللى يساوى كل شهر شوية مخالفات وقوف و كمان تغيير فانوسين علشان ممكن تتخبط وهى واقفة. انا مبسوط ان اللى دخل الموقف كلهم حوالى 10 عربيات لحد دلوقتى وبصراحة بقى يستاهلوا اللى يجرالهم.
كل اللى انا عايز أقوله يا جماعة قاطعوا الموقف ده.. ما تسيبوهومش يلموا الفلوس على قفانا كده، المحافظة فيها أزمة مالية شديدة من كتر تكسير الرصفان، ما تدولهومش فلوس زيادة علشان ما يكسروش دماغنا بعد كده.
صورة الموقف قبل ما يتكسر لسه فى جوجل ايرث.. شوف الصورة قبل وبعد وقوللى ليه التكسير ما كان يخليه زى ما هو ويدخل اوتوبيسات النقل العام مكان السوبرجيت وخلاص؟ السوبر جيت هو اللى كان ب3 بتوع حمراللى فوق ده.

لازم نبطل نشجع الناس ديه على اللى بيعملوه.. المحافظة دلوقتى مفلسة وده الوقت المناسب للضغط عليها، وبما اننا والحمد لله سلبيين فمش حنقول حنتحرك وحنعمل، انا باقول نعمل ضغط سلبى.. مش حنستعمل أى حاجة بتجيب فلوس للمحافظة، ممكن أدفع غرامة للمرور.. ممكن أروح لاستغلال القطاع الخاص لكن المحافظة لازم نعمل معاها وقفة. لو الناس حتبتدى تفوق ونعملها حملة كاملة ياريت.. فين الاسكندرانية؟
كلنا سمعنا اشاعة تغييرالمحافظ، الله أعلم اذا كان ده أكيد أو ﻷ، وبرضه احنا مش عارفين مين اللى حييجى بعده وحيعمل ايه، لازم نتحرك دلوقتى لحد ما يبطلوا تكسير فى بلدنا واستغلال فينا.. حتى لو ما اتغيرش فمشكلتنا مش شخصية مع فرد وتغييره حيحل المشكلة، مشكلتنا مع وضع قائم وتغيير الوضع هو اللى حيحل الموضوع. لازم يفتكروا ان المحافظة باللى فيها شغالين عندنا ووظيفتهم خدمتنا، مش العكس.

هو ده بس اللى اتكسر؟؟!!

أنا بتهيألى المحافظ ده اصلا مبيعملش حاجة غير انه يكسر فى أسكندرية من ساعة ما جه ... و بيكسر الحاجات السليمة بس!!! مجتش عالموقف بقى !!!
و بخصوص السلبية .. أنا بوعدك ان ال10 عربيات هيكتروا اوىىىى و المحافظ هيبقى سعيد اوى اوى و هيكمل مشواره مع التكسير ...لأن احنا للأسف شعب سلبى اوى اوى اوى !!!

1

1

1

1

1

1

1

1

حاجات كتير اتكسرت

أكيد ده مش أهم حاجة اتكسرت.. لكن يمكن ديه مستفزة زيادة عن اللزوم. وكمان ديه حاجة نقدر نعمل فيها أى رد فعل.

الحمد لله عدد العربيات ما زادش من افتتاح الموقف (اسبوع تقريبا).. لكن ده مش علشان الناس حست بالمسئولية ولا عايزة تقاطع، لكن ده ببساطة بسبب ان المبلغ فعلا عالى لدرجة انى اخد مخالفات والعربية تتخبط كمان وحيكون أرخص..

على فكرة ممكن يكون عندك حق لكن انا ما باحبش نغمة ما فيش فايدة ديه

1

1

1

1

1

1

1

1

Comment viewing options

Select your preferred way to display the comments and click "Save settings" to activate your changes.

Post new comment

The content of this field is kept private and will not be shown publicly.
CAPTCHA
This question is for testing whether you are a human visitor and to prevent automated spam submissions.
four times equals 20
Solve this math question and enter the solution with digits. E.g. for "two plus four = ?" enter "6".
Delicious Bookmarks