linuxawy

Question = 2 ( B || !B )

Ideas.. I've seen people kill in the name of them... and die defending them. We are told to remember the idea, not the man. Because a man can fail. He can be caught, he can be killed and forgotten. But several years later... his idea can still change the world.
أحمد عبد الرسول أبو شادى

شاب عنده 17 سنة.. شاب مصرى، المفروض يكون دلوقتى فى ثانوية عامة أو اولى كلية.. شاب لما تشوف صورته تحس انه ولد عادى جدا مش مثلا شكله واحد واخد مطوتين فى وشه ولا نظرته كارهة البلد واللى عايشين فيها، بالعكس تشوف فى عينيه تصميم واصرار يمكن أكبر من سنه.. بص كده على صورته

أنا ماعرفش حاجة عن ظروفه هنا فة مصر كانت حلوة ولا وحشة.. ماعرفش هو منين فى مصر. لكن اللى اعرفه ان لما واحد فى السن ده يخاطر بحياته علشان يهرب من مصر لفرنساويدفع حياته فعلا ثمن لمحاولة هروبه الفاشلة يبقى اكيد عندنا مشكلة.

أحمد حاول يهرب من مصر فى الطيارة اير فرانس المسافرة من مصر لفرنسا.. ركب فى مكان العجل، أيوه فوق عجلة الطيارة. ماعتقدش انى اقدر اتخيل الرحلة تكون عاملة ازاى هناك.. انخفاض ضغط جوى ولا درجة حرارة يمكن تحت الصفر ولا نسبة أوكسوجين عامله ازاى على الارتفاع ده ولا تيارات هوا ممكن تشيله من مكانه. المهم انه صمد وفضل عايش لحد لما الطيارة بقت فى الاجواء الفرنسية وقربت من المطار. أكيد كان تعبان أو يمكن مش حاسس بحاجة أصلا. الكارثة حصلت لما الطيارة كانت بتستعد للهبوط وفتحت العجل، أحمد ما قدرش يربط نفسه أو الله أعلم اليه اللى حصل، وقع من الطيارة (أيوه وقع من طيارة مش من الدور العاشر أو العشرين.. باقول طيارة). وقع على فيلا صغيرة وطبعا جثته اتحطمت.. ما اعتقدش انى عايز اعرف تفاصيل أكتر من كده، لكن عند فحص جثته كانت درجة حرارتها فوق ال30 اللى بيؤكد انه كان عايش لحد لما وقع.

مين الغلطان؟ مين السبب؟ اللى اقنعوه ان السفر أحسن؟ وللا اللى هربوه فى المطار وركبوه فى المكان ده؟ وللا اللى قالوا ان المكان ده ينفع للركوب أصلا؟ وللا النظام اللى وصلنا من اليأس اننا نفضل احتمال الموت على الحياة هنا؟

أكيد فيه ناس مسئولة عن الكارثة ديه أكتر من غيرها.. أكيد اللى هربوه فى المطار يستاهلوا يتحطوا هم مكانه.. أكيد اهله اللى مش واخدين بالهم من تفكير ابنهم يستاهلوا جزء من اللوم. لكن علشان نبقى منصفين.. النظام اللى هنا من فوق لتحت يستاهل محاكمة شديدة.. وايديهم متلوثة بدمه.

مش عايز حد يقوللى يعنى الحكومة تعمل ايه؟ الشعب هو اللى مش فاهم وهو اللى مش بيسمع الكلام. يا حكومتنا العزيزة انتم اللى مسئولين ولازم تتحاسبوا على ان الشعب مش فاهم. وهو مش بيسمع كلامكم علشان حاسس انكوا ما بتدوروش على مصلحته هو. نسيتوا انكوا شغالين عند الشعب. نسيتوا ان كلكم من رئيس الجمهورية ﻷصغر موظف شغال عند الشعب والشعب من حقه يحاسبه. انتوا ناس بتاخدوا مرتباتكم علشان تخدموا الشعب ده، وده واجب عليكم وتتحاكموا لو ما عملتوش كده. لو الشعب متعلم وفاهم حيقدر انكم بتحاولوا تساعدوه ومش حينط فى مراكب بتغرق أو فى عجل طيارة، ولا انتوا مش عايزينه يفهم علشان ما يحاولش يحاسبكم؟

ربنا يرحمك يا أحمد ويصبر أهلك اللى ما اعرفهمش

على فكرة الموضوع ده انا عرفته من حلقة القاهرة اليوم اللى ممكن تشوفها هنا

Post new comment

The content of this field is kept private and will not be shown publicly.
CAPTCHA
This question is for testing whether you are a human visitor and to prevent automated spam submissions.
minus eight equals zero
Solve this math question and enter the solution with digits. E.g. for "two plus four = ?" enter "6".
Delicious Bookmarks