Ideas.. I've seen people kill in the name of them... and die defending them. We are told to remember the idea, not the man. Because a man can fail. He can be caught, he can be killed and forgotten. But several years later... his idea can still change the world.
مهرجان تنصيب اللينوكس 2009 فى الاسكندرية
Submitted by linuxawy on Wed, 25/02/2009 - 11:04am
عارف يعنى ايه جنو؟ يعنى حرية
حريتك من تحكم الشركات الكبيرة فى المستهلكين الصغيرين زيى وزيك
وعارف يعنى ايه جنو/لينوكس؟ يعنى نظام تشغيل للكمبيوتر بتاعك نظام يحط الحرية ديه فى صورتها الرقمية، ويحرر دماغك معاها لو انت عيشتك على الكمبيوتر زيى
وعارف مين بتوع دبيان؟ دول أكبر مجموعة متطوعين على الانترنت
متطوعين بيبنوا فى دبيان جنو/لينوكس المبنى على اللينوكس علشان يحققلك الحرية بتاعة جنو
وعارف ايه هو أوبونتو؟ ده توزيعة مبنية على دبيان جنو/لينوكس
هدفها انها توصللك حاجات دبيان بصورة سهلة لاستخدامنا انا وانت
وعارف مين اي-جي-لَج؟ دول مجموعة مستخدمين الجنو/لينوكس فى مصر
عايزين يكلموك عن كل اللى انا قلته ده.. ويشاركوا معرفتهم معاك.. من غير فلوس طبعا
عارف بأه المشروع ده ابتدى من امتى؟ من سنة 1983 .. ووصلت دلوقتى انها بقت تهديد مباشر لتحكم شركات معينة فى سوق البرمجيات.. كل ده ابتدى واستمر بايدين متطوعين عايزين هم اللى يقولوا يستعملوا ايه، مش الشركات هى اللى تختارلهم.
لو عايز تعرف أكتر تعالى معانا.. عندنا مهرجان للبرمجيات الحرة يوم 9 مارس من 10ص الى 6م.. ولو انت عايز تساعدنا يا ريت تقوللنا على صفحة التجهيز أو تيجى الاجتماع الجاى...
لو عايز تعرف ايه اللى حيحصل بالضبط فى اليوم ده؟ اقرا الكلام اللى هنا
ولو لسه عايز تعرف ليه تستعمل جنو/لينوكس أصلا.. اقرا الأسئلة واجاباتها فى اى-جى-لًج بتاعة المبتدئين والمتوسطين والمتقدمين. أو اقرا موقع ليه الجنو/لينوكس أحسن؟
![[FSF Associate Member] width=160](http://www.linuxawy.org/files/FSF-member.png)
مشكووووووووووو
مشكوووووووووووور
Post new comment