Ideas.. I've seen people kill in the name of them... and die defending them. We are told to remember the idea, not the man. Because a man can fail. He can be caught, he can be killed and forgotten. But several years later... his idea can still change the world.
يا فضيحتنا
Submitted by linuxawy on Sat, 03/01/2009 - 1:08pm
يعنى لما رئيس دولة محترمة يطلع يقول انا مافدرش أفتح حدودى مع الدولة المحتلة اللى جنبى اللى انا شايل قضيتها علشان قوة الاحتلال الوحشة مراقبة كل حاجة بالكاميرات وانا متفق معاهم انى مش حاعدى حاجة غير لما اخد اذنهم لأنهم لو زعلوا حييجوا يمنعوا الحاجات بنفسهم.. يبقى ده اسمه ايه بالضبط؟؟؟
وبعدين سؤال تانى.. هو ليه قاعد والمذيعين واقفين؟ العين ما تعلاش على الحاجب يعنى ولا ايه؟
وبعدين سؤال تانى.. هو ليه قاعد والمذيعين واقفين؟ العين ما تعلاش على الحاجب يعنى ولا ايه؟
![[FSF Associate Member] width=160](http://www.linuxawy.org/files/FSF-member.png)
هنعمل إيه
معلش أصل الراجل المحترم رئيس الدولة المحترم اللي حضرتك بتتكلم عليه مش لاقي حاجة يقدر يقولها غير الكام كلمة دول
وبعدين الراجل متيقن 100% إنه معيش شعبه في نعيم عايز منه إيه أكتر من كده
بالنسبة لحكاية قعوده أمام الصحفيين فأعتقد إن ده راجع لحبه للكرسي إياه
دولة محترمه ؟
دولة محترمه ؟ فين دي ؟
مصر محترمة غصب عن الجميع
لاحظوا انى قلت دولة محترمة.. ما جبتش سيرة الحكومة أو الأشخاص خالص.. مصر أكبر بكتير من انها تكون حكومة بتعمل اللى فى دماغها وطز فى الشعب
أنا معاك أحمد,
أنا معاك أحمد, طبعا مصر كانت و رح تبقى دايما دولة محترمة. واللي عم يساويه الشعب غصب عن الحكومة هوي أكبر دليل على هالحكي
أما بالنسبة لسعادة الريس فبرأيي ما اختلف كتير عن رفقاتو الرؤساء العرب اللي مابيهمن غير الكرسي وسلامة وراحة إسرائيل
الشعوب العربية
والله يا هنادي الشعب المصري نفسه يعمل أكتر من كدة بكتير بس صدقني الناس هنا مش عرفة تعمل إيه .. نظام بيعلم الشعب إنه لازم ياخد على قفاه و يسكت علشان يعرف ياكل عيش.. والله العيش الحاف أكرم لنا بس إلي يفهم.
!!!!!!!!!محترمة
ماهو يا أحمد البلد عبارة عن حكومة و شعب ... لما الحكومة تبقي ناس .. نقط .. نقط .. و لما الشعب يبقي مش قادر يتنفس مع حكومته و لا يحمي نفسه قبل ما يفكر يحمي غزة .. يبقي الاحترام هييجي منين
أكيد محترمة
مع كامل أحترامي
مع كامل أحترامي للجميع...
محدش يقولي مصر دوله محترمه .. مصر مش شويه أسفلت و كام حيطه و هرمين و نيل. مصر هي انا و انت و كل الشعب اللي عايز الحرق ده, مصر هي المرتشين و النصابين و الحراميه و البلطجيه و المنافقين و المتظاهرين و السلبيين و بياعين الكلام.
الشعب مش غلبان و مش مسكين و مش مش عارف يعمل ايه , الشعب ببساطه جبان و متخاذل و أناني و خايف على نفسه من الهوا.
حد شاف الشعب الحبيب الصبور المهاود ده في موقف مكيروباص !!! العربيه من دول تدخل الموقف, الناس يقطعوا بعض عليها و تلاقي ناس بتنط من الشباك, ناس بتشنكل بعض, شاب زي الورد بيدي واحدة ست قد أمه بالكوع عشان يمسك باب العربيه عشان يركب الأول....
السواق (ركز معايا هنا) مستحيل يقف طبعا...يجرجر الناس دي بتاع عشره متر معاه, و بعدين ينزل من العربيه و يبص على الناس و هي بتتخانق عشان تركب , و بعدين يقولهم مش طالع , و يروح يشرب كوبايه شاي...رد الفعل على الكلام ده ايه ؟ ناس ماشيه بتبرطم و حاطه و شها في الأرض و بتشتم في السواقين التيت و لاد التيت
بعد البيه ما يريح, ينادي انه حيمشي من خط سير غير بتاعه , و حيوصل نص المسافه بس , و بنفس الأجره !!! و الناس, تحط وشها في الأرض و تشتم و تبرطم و تضرب بعضها عشان تركب, وأوعي البيه السواق يسمعك و انت بتشتم , مش حتروح في يوم اهلك اللي مش فايت ده!
المنظر ده انا كنت بشوفه كل يوم تقريبا..و أستغرب..العربيه فيها 14 راكب..مفيش في الناس دي كلها 14 بني ادم ممكن يتفقو و يركبو العربيه و يقولو للسواق حتودينا مكان مالمفروض تودينا!!بلاش 14...10..طيب 8..5...أتنين...طيب واحد يابشر عايز حقه!!!
هي دي مصر, مش الأسفلت و الشوارع و الحيطان و الهرم و النيل...مصر هي سواق الميكروباص...وركاب الميكروباص...
عمرنا ما حنكون دوله محترمه ,و لا شعب محترم, إلا لما الناس هي اللي تقول هي رايحه فين...مش سواق الميكروباص...
زعقوا و أهتفوا و اتبرعوا و أعملوا كل الحاجات الحلوه, ريحوا ضمايركوا و أترحموا على المساكين اللي بيموتوا. بس ماتقولوش مانقدرش و ده أخرنا و محترمين و بتاع..
كل اللي بنعمله ده عشان نريح نفسنا و نريح ضميرنا. كل و احد يروح بتبرع باللي في النصيب و لا يروح يزعق شويه في مظاهره و يشتم في الحكومه الوسخه و يقول أعمل ايه طيب, انا غلبان و الحكومه الوحشه هي اللي بتضحك عليا...
مصر كااااااااااانت دوله و كانت محترمه. دلوقتي خلاص , شكرا يا جماعه. وجعتلكوا دماغكوا و قرفتكوا بكلمتين كانوا واقفين في زوري..اسف يا مكاوي على الدوشه دي, و لو اتقبض عليك بسبب الكلام ده, تأكد اني حدعيلك و حتبرعلك و حعمل بلوج و أحط فيه بانر فيه صورتك و كلابشين و حقعد أشتم فيهم لحد ما ربنا يفك سجنك....
يا فضيحتنا
انا متفق مع محمد السيد في اللي قالوه لاني عشت ومازلت عايش الكلام ده هنا في مصر وكما قال الله في كتابه العزيز "لا يغير الله ما بقوم حتى يغيروا ما بأنفسهم" و لازم نصلح من انفسنا الاول وده مش حيحصل طبعا في نظام الحكم الحالي وكفاية بقي ونلتفت للمشكلة الاكبر اللي هي فينا احنا من الاساس .. بدل ما حنروح كلنا جوانتنامو او الفراعنة :P
Post new comment