Ideas.. I've seen people kill in the name of them... and die defending them. We are told to remember the idea, not the man. Because a man can fail. He can be caught, he can be killed and forgotten. But several years later... his idea can still change the world.
فاضل ايه يولع؟ حط اقتراحاتك
Submitted by linuxawy on Sat, 04/10/2008 - 8:17pm
ايه رأيكو؟ بعد كل الحرايق ديه تتوقعوا المرة اللى جايه ايه؟ ناس بتقول المتحف المصرى لكن الطوب ما بيولعش بسهولة.. ناس تانية بتقترح دار الكتاب أهو الورق بيولع بسرعة.. تيجوا نفتح مكتب رهانات زى بتاع سباق الخيل؟ :P
اتفرجوا على التواريخ كده وقولولى ايه توقعاتكوا للتاريخ والمكان بتاع الحريقة الجاية:
19 أغسطس: حريق مجلس الشورى
24 أغسطس: حريق فى سينما مترو القاهرة
31 أغسطس: حريق فى مطبعة مصر للطيران اللى فوق مطار القاهرة
27 سبتمبر الصبح: محكمة عابدين
27 سبتمبر المغرب: المسرح القومى
1 أكتوبر: العبارة جماع 2 فى سفاجة
4 أكتوبر: 3 مصانع فى غزل المحلة
......
أنا مش باهزر والله انا مش مصدق ان كل ده صدف.. ممكن حاجات صدف وحاجات لأ، الحرايق ديه كلها فى أماكن سهلة الاشتعال خشب وورق وقطيفة والذى منه..كلها تقريبا ما فيهاش خسائر بشرية الا اعداد قليلة جدا وأغلبهم من المطافى..
ربنا مع بتوع المطافى فعلا الموضوع مولع بالمعنى الحرفى للكلمة.. لكن فين امن الدولة اللى مطلعين بظابيظنا دول؟ مش شغلهم يشوفوا مين اللى ورا الموضوع ولا اخرهم المظاهرات والاخوان؟ المركب بتولع يا قبطاااان
على فكرة.. حد لسه ماتفرجش على فيلم V for Vendetta? :P:P:P
![[FSF Associate Member] width=160](http://www.linuxawy.org/files/FSF-member.png)
دماغي أنا اللي هيولع
والله مش عارف فعلاً ايه اللي بيحصل ؟!! . ربنا يتولانا برحمته
16 أكتوبر ذكرى
16 أكتوبر
ذكرى افتتاح مكتبة الاسكندرية
المكتبة نفسها حتوللع
أهي مليانة كتب وورق للركب
ربنا معانا
تصدق فكرة؟
المركز الرئيسي
المركز الرئيسي للمطافي في مصر كلها
هو ده الدبيحة اللي جاية
ابتسم انت فى مصر...
اولا:
خد نفس عمييييييييييييييييق و افتكر انك فى مصر...
تانى حاجة ..
تجربة شخصية :
يوم 19 سبتمبر باليل بعد التراويح اتحرق بيت صحبتى فى كليوباترا..
و بعد تلات ايام بالظبط ..
اتحرق البيت اللى جنبهم ..
و فى الاتنين قالوا ماس كهربى ..
...
دول عمارتين فى 3 ايام ..
و ما خفى كان أعظم ..
و عشان كدة ردا على سؤال...
اىىىىىىىىىىى حاجة ممكن تتحرق...
كليتى ..
بيتى ..
مدرسة اخويا...
اما المعاد >>
بكرة الصبح
^_^
اظاهر ان
اظاهر ان الحكومة بتعمل زي حكومة الراجل الفاشي اللي في فيلم في فور فيندتا و مش بعيد يسمموا نهر النيل علشان يخوفوا الشعب و طبعا الشعار في مصر
The People Should Fear the Government
و بجد انت فكرتني بحته حلوة اوي في الفيلم لما الواد في و هو بيقتل مستر كريدي بعد لما غربلوا في بالرصاص ما متش برضه و هو بيقوله
Under this mask there's more than flesh ... under this mask there's an idea and the ideas are bulletproof
تحت القناع بتاعي في اية من لحم و ده ... تحت القناع فية فكرة و الافكار مضادة للرصاص
بجد الجملة دي عمري ما هنساها
V
ربنا يستر
ربنا يستر علينا والله
ربنا بيبتلينا بشوية ابتلاءات ... كل ابتلاء أكبر من اللي قبله
و برضه مفيش فايدة
و بمناسبة ذكر الفيلم ...
أنا فعلا من ساعة ما اتفرجت على الفيلم و حاسس ان الدنيا اتغيرت في نظري تغيير جامد
على فكرة الفيلم لسه عندي ... و كل ما أزهق بتفرج عليه
مختل عقليا
هو في بيت واحد حبيب الشعب ساكن فيه
وبيقوله في محطة بنزين علي ناصيته
تفتكر ممكن يولع :)
تفتكروا السبب فالحرايق ممكن يطلع فالاخر واحد مختل عقليا
وعجبيي :)
Post new comment