Close

If you are searching for my technical blog, check it here

بمناسبة 23 يوليو

نشره linuxawy يوم خميس, 24/07/2008 - 11:55am.

بمناسبة اليوم العالمى الجميل اللذيذ الرائع المنعش

يوم لما الجيش المصرى عمل انقلاب على الملكية والانجليز وأعلن ان الجيش يقوم بتصحيح الوضع ثم سوف يعود الى الثكنات (كلام الله يرحمه الرئيس المصرى محمد نجيب... كان راجل محترم فعلا)

فأنا قلت بالمناسبة السعيدة ديه.. وبما اننا فرحانين جدا واحنا مش متعودين على الفرحة ديه،، قلت انكد عليكوا شوية وأفكركوا باللى فات

قصيدة الشاعر محمد بهجت "واحد اتنين.. الجيش العربى فين" اللى اتذاعت فى برنامج العاشرة مساء من زمان.. يا ترى حد يعرف يكملها بعد موضوع العراق؟

حملها من هنا


واحد.. اتنين.. الجيش العربى فين؟ الجيش العربى فين؟

الجيش العربى فى مصر

ساكن فى مدينة نصر

يصحى من النوم العصر

وبيفطر شاى ومنين


واحد.. اتنين.. الجيش العربى فين؟


الجيش العربى فى سوريا

حالق على الموضة كابوريا

وعلى طريقة فيكتوريا

خلى الترماى بدورين


واحد.. اتنين.. الجيش العربى فين؟


الجيش العربى الليبى

زى الفن التكعيبى

كله بدنجان يا حبيبى

والظاهر واخد عين


واحد.. اتنين.. الجيش العربى فين؟


الجيش العربى خليجى

ما فيه حيل يروح ولا ييجى

هذا صمت استراتيجى

ايش فيك يا غراب البين؟


واحد.. اتنين.. الجيش العربى فين؟


الجيش العربى فى تونس

أخضر مثل البقدونس

وعزيزة بتعشق يونس

تبقى الحروبات لبعدين


واحد.. اتنين.. الجيش العربى فين؟


الجيش العربى سودانى

سامع خطوته بودانى

هو انا حاهجم فردانى؟

يالا ارجع يا ابو حسين


واحد.. اتنين.. الجيش العربى فين؟


الجيش العربي اتهان

يوم ما انضربوا الأفغان

وسكت في البوسنة زمان

وقبل ياكل بالدين

علِّق

محتويات هذا الحقل سرية ولن تظهر للآخرين.
CAPTCHA
السؤال ده علشان أطمن انك بنى ادم مش برنامج كمبيوتر
  _______                   ___     _          
 (_____  )                 (  _`\  ( )_        
      /'/'  _ _       ___  | ( (_) | ,_)  _ __ 
    /'/'   ( '_`\   /'___) | |  _  | |   ( '__)
  /'/'___  | (_) ) ( (___  | (_( ) | |_  | |   
 (_______) | ,__/' `\____) (____/' `\__) (_)   
           | |                                 
           (_)
Enter the code depicted in ASCII art style.

Syndicate

RSS feed