linuxawy

Question = 2 ( B || !B )

Ideas.. I've seen people kill in the name of them... and die defending them. We are told to remember the idea, not the man. Because a man can fail. He can be caught, he can be killed and forgotten. But several years later... his idea can still change the world.
شهادتى عن اللى حصل فى مقر الاخوان فى اسكندرية النهارده

ميدئيا انا حاكتب اللى شفته النهارده بالأمانه.. ححاول ما احطش رأيى الشخصى فى أى حاجه واخليه فى تدوينه منفصلة.

أنا كنت فى سيدى جابر.. كان فيه عدد ضخم فعلا من الناس. انا ماقدرش اقول كام لكنه يقارن بالأعداد اللى كانت فى ال 18 يوم. يعنى ممكن يكون 500 ألف وممكن يكون 100 ألف وممكن 10 الاف فقط. انا ماقدرش احدد العدد لأنى نزلت متأخر وفيه ناس كانو مشيوا.

بعد ما الناس وقفوا فى سيدى جابر وشارع ابو قير. فيه اعداد قليلة كانوا بيروحوا عند مقر الاخوان لكن ما كانش فيه داعى اننا نكبر الموضوع. المكان هناك ما كانش فيه داخلية اطلاقا ولا اخوان الا عدد قليل قوى بيمثلوا انهم مش اخوان علشان يوصلوا الاخبار.

واحنا واقفين سمعنا ان الداخلية جت والضرب ابتدا.. طبعا عدد كبير راح عند المقر وعرفت بعد كده ان اللى وصلوا كانت عربية أمن مركزى واحده اتضربت وانسحبت.

ناس كتير مشيت من سيدى جابر وروحوا.. العدد اللى راح عند المقر كان عدد اقل بكتير.. ماقدرش اقول كام برضه.

لما انا وصلت هناك لقيت باب العمارة الحديد مقفول. وفيه عدد كويس (20 او 30) من الثوار واقفين على الباب بيمنعوا اقتحامه من باقى الثوار. منعا للعنف. وبيهتفوا سلمية سلمية. المجموعة ديه فضلت واقفة لحد اخر اليوم والباب ماتفتحش.

لقيت اليافطة بتاعة المكتب مقطوعة.. باسأل الناس اللى انا عارفها قالوا ان حد من جوه هو اللى قطع اليافطة ورماها مع ان ماحدش دخل العمارة. اللى فهمته ان دول سكان فى العمارة كسروا الباب ودخلوا المكتب وقطعوا اليافطة علشان يخلوا الثوار يهدوا علشان خايفين على شققهم.

بعد فترة من الوقوف معاهم، وبعد ما ناس كتير مشيت.. اللى فاضل كان بالتأكيد أقل من 500. لقينا السكان طالعين فى البلكونة بتاعة مقر الاخوان وبيقولولنا نوسع علشان حيحدفولنا كل حاجه فى المقر.. ابتدوا يحدفوا كراسى و مكاتب وكاسيت صغير ومروحة وكمية ورق صغيرة. الشباب فى الشارع كانوا بيصوروا وبيسقفوا بس.

انا ماقعدتش للاخر ممكن تكون حاجات تانيه اتحدفت.

قبل ما أمشى عديت على باب العمارة واتأكدت انه لسه مقفول ولسه الشباب واقفين عليه زى ما هما.

الكلام ده انتهى حوالى 9:30 وانا مشيت.. مش عارف لو حصلت حاجه بعد كده

thanks ya Ahmed for this info

thanks ya Ahmed for this info .... will share to let all know what happened

Comment viewing options

Select your preferred way to display the comments and click "Save settings" to activate your changes.

Post new comment

The content of this field is kept private and will not be shown publicly.
CAPTCHA
This question is for testing whether you are a human visitor and to prevent automated spam submissions.
six minus equals six
Solve this math question and enter the solution with digits. E.g. for "two plus four = ?" enter "6".
Delicious Bookmarks